【玩呢啲】方力申雙人花式畀型男壓基味濃

歌手方力申（Alex）同鄧麗欣（Stephy）分手之後，醉心做GYM，而且愈玩愈瘋狂，操到周身一舊舊肌肉，佢仲經常將做GYM啲片放上網，同網友分享。今日Alex又再發放一段做掌上壓嘅片，並留言：「做了四下已經沒力了。」吓！四下？Alex有冇寫錯，會唔會四十下？大家冇睇錯，Alex亦都冇寫錯！因為佢做嘅唔係普通掌上壓，而係搵個150磅嘅大男人壓喺佢上面。雖然Alex好似好勁，不過個動作就……有啲不雅囉，基味極濃！