利穎怡踩Roller勾起童年回憶

熱愛運動的利穎怡（Joan）擅長打排球及羽毛球各式球類活動，她穿上滾軸溜冰鞋展示英姿，向前衝向後溜都表現輕鬆，更着住Roller鞋拉筋做一字馬，技驚四座！她自信表示手腳協調方面不錯，而且曾學溜冰，學習滾軸溜冰時較易上手。講到筋骨柔軟，她表示因自小獲母親栽培學跳水及柔軟體操。

Joan直言踩Roller對她意義頗大，是重要的兒時回憶：「因為我家人比較四散，爹哋成日唔喺身邊，一齊機會唔多，記得我哋試過一家人野餐嗰陣踩Roller，所以每次踩Roller，我都諗番起同家人一齊嘅感覺。」