【全場掌聲】陳展鵬型爆晒乒乓球技

20160817
東網電視
更多新聞短片
曾經係乒乓球港隊運動員,打乒乓波當然冇難度。
藝人陳展鵬、鄧穎芝、黎美言及孫慧雪等,於上水廣場出席乒乓球推廣活動。曾為乒乓球港隊運動員的展鵬,於遊戲中大晒球技,贏得全場掌聲。
抽空教人打乒乓球
展鵬受訪時笑言於遊戲中勾起作為運動員的回憶,更表示自己目前仍會抽空教人打乒乓球,他說:「我淨係教好熟嘅朋友。(教埋粉絲?)可以諗吓,打乒乓球都可以Keep Fit,令人靈活啲,會出好多汗。以前我喺乒乓球隊嗰陣,我爸爸唔鍾意我打,依家我退隊後反而佢鍾意打。。」被問到有否教過靚女學生?他笑說:「抹吓汗囉,會喺洗手間換衫。(有冇學生借意親近你?)冇,好規矩。」他笑言若學生上堂只顧住望實自己,就會食波餅。
冧讚定欣完美
此外,提到展鵬於熱播劇集《城寨英雄》中大受歡迎,是否迎來更多工作?他稱八月尾就出發加拿大登台。他被問到獲監製文偉鴻為他及胡定欣於重頭劇《同盟》度身打造角色,展鵬表示期待拍攝,又將其視為《城》劇的延續。問到會否擔心與單身的定欣傳緋聞?展鵬盛讚對方完美:「唔驚,定欣咁靚、咁好、咁完美,同佢傳緋聞益咗我。」