蔡思貝瞓歐陽巧瑩大髀被叫「臭貝」

藝人歐陽巧瑩與蔡思貝因為一齊參選2013年香港小姐而成為好友，兩人時不時都會姊妹gathering，關係非常之好。歐陽巧瑩喺Instagram上載蔡思貝喺佢大髀瞓覺嘅相，留言話：「好耐冇比（畀）人瞓過大脾（髀），呢位小姐真係好討厭，好得意」仲tag埋「臭貝」字眼，應該係歐陽巧瑩平時稱呼蔡思貝嘅花名，認真sweet！相中可見蔡思貝素顏上陣，瞓得好甜，似乎唔知有人影緊佢咁！有網民留言話影到蔡思貝零瑕疵，大讚佢皮膚超好。