開拍時裝版武則天　展鵬鮑起靜定欣孭飛

陳展鵬、胡定欣主演的無綫劇集《城寨英雄》還有個多星期便大結局，觀眾都追得相當過癮，此劇動作、搞笑、感動位都做得相當出色，不論主角、配角及綠葉都做得出位，而此劇監製文偉鴻九月中會開拍新劇《同盟》，銳意沿用展鵬及定欣做主角，而金像影后鮑起靜更會參與拍攝，此片乃動作片，當中有不少以色列博擊術及槍戰動作場面，而監製文偉鴻亦透露劇情會是時裝版武則天，聽落都引入入性，而展鵬及定欣則要繼續打，還比《城》劇打得更瘋。

展鵬於亞視年代時已多次跟鮑姐合作，二人曾於感人劇集《笨小孩》中飾演母子，展鵬接受訪問時謂：「之前同鮑姐傾過電話，佢講過會拍一套劇集，估唔到公司安排到我同佢一齊合作，真係好開心。（監製話你同定欣旺佢？）其實《城》劇好多演員都係有心有力，大家都付出好多誠意同努力，一班同道中人拍劇係好有共鳴、好開心，無論做乜都好，最緊要有一個好嘅班底。」

而定欣接受訪問時亦謂：「我同鮑姐係第一次合作，聽到好開心，我知佢同展鵬合作過，整個班底都好期待。」說到監製指她與展鵬旺他，定欣謂：「旺佢咁就好喇！希望大家互旺啦！」定欣亦坦言今套劇都要打得好犀利，她謂：「監製話要學槍械，依家自己真係做咗打女咁，希望一次型過一次。」