唔湊女做設計師？昆凌為自家品牌慶生

台灣天王嫂昆凌自從為周杰倫生咗愛女「小周周」後，逐漸淡出娛樂圈，除了湊女就專注自己經營嘅咖啡室及時裝生意。

相夫教女之餘，昆凌亦有為自家時裝品牌WOOF親自設計，原來唔經唔覺呢個品牌已經成立一周年！昆凌喺微博上載咗正在設計新系列時裝嘅照片，同大家分享成功嘅喜悅：「時間過得好快，自己的品牌WOOF一歲啦～自己參與設計的感覺很好玩，尤其最後看到成品更是有成就感～～最近結合了呼籲保護動物的想法畫了幾款設計圖，WOOF的個性女裝！我是不是可以上班做設計師了～哈哈！」