無綫收視及口碑均相當不錯的劇集《城寨英雄》下星期日（28號）便大結局，究竟劇中主角最終結局如何呢？劇內的奸角吳家樂、張國強等會否沒好下場呢？唔少觀眾都話對結局非常期待。

展鵬會盲？

而坊間仲流傳咗好多關於結局嘅推斷，仲有指話最終「拳佬」展鵬會盲。對此，監製文偉鴻接受訪問時大賣關子謂：「張（拳佬嘅）盲相都好得意，當然張相已經唔係事實，其實之前有討論區都有話展鵬會盲，呢個消息係我哋放咗片尾曲MV《從未知道你最好》上網宣傳後開始有嘅，因為個MV入面展鵬好孤獨咁戴住個墨鏡喺度睇戲，而熒幕上嘅『黑白定欣』就畀網民推斷為死咗。」

結局出人意表

問到網民的推斷是否屬實時，監製又謂：「我只可以話依家我哋出嚟嘅料大家估得幾多就幾多，我當然唔會答你哋，正式結局當然要觀眾自己睇，好玩之處就係大家可以估，但亦都有可能係我大整蠱你……」吓？！大整蠱！觀眾要知結局真相係點，真係要繼續追睇喇！