生咗兩胎？Kim湊仔女戲水晒收身成果

美國真人騷女星Kim Kardashian為歌手老公Kanye West生下一對仔女露芙（North）與Saint，湊夠個好字當然Sweet，不過產後收身對女人嚟講就完全唔Sweet，點都好，現年35歲的Kim靠節食與運動等成功收身，早前仲爆出愈收愈Fit，收出124磅配上26吋腰的成果！

而近日帶仔女去墨西哥度假的Kim就以比堅尼晒盡身材，少布比堅尼完全遮唔住驕人上圍與巨籮，噴血曲線真係好震撼，不過唔愛火辣場面嘅粉絲可轉睇Kim一對仔女，人仔細細嘅露芙著上比堅尼又型又可愛，至於近期密密曝光嘅B仔Saint都赤膊上陣，於Kim協助下周圍行，場面溫馨又Cute到震呀！