G.E.M.有番肉地　肉臂搶過事業線！

8月16日係「宇宙天后」鄧紫棋（G.E.M.）嘅25歲生日，連日來佢已經慶祝咗N次，但未見好姊妹何超蓮同李蘊幫佢慶生，原來尋晚佢哋幫G.E.M.補祝生日兼開P，仲喺網上分享花絮靚相。

身為主角嘅G.E.M.自然悉心打扮，以黑色小背心性感現身，唔使烏身已經微露事業線，相當吸睛！不過，唔知G.E.M.係咪呢幾日食咗太多蛋糕，手臂睇落幾有肉地，最慘係佢隔籬企正個弗爆人母李蘊，比較之下G.E.M.真係輸咗幾條街！之後佢仲同李蘊嚟番個港女四連拍。

另一亮點係藝人方力申（小方）都有份出席生日P，明明平時好少見小方同G.E.M.有交集，難怪網友都留言問佢哋幾時變到咁FRIEND。