麥明詩媽媽傳授女兒戀愛經:要拍拖耐啲

20160820
東網電視
更多新聞短片
麥明詩媽媽話佢喺麥明詩(紅圈)10幾歲嗰陣就傳授戀愛經,叫麥明詩拍耐拖先可以清楚了解另一半。

藝人麥明詩母親麥何小娟於觀塘apm出席活動介紹其新書,麥明詩父親也有現身撐場。麥媽媽於受訪時被問到書中有否提及關於女兒的「內幕」消息?她聞言就笑稱於女兒十多歲的時候就向對方傳授「戀愛經」,又自爆叫女兒要「拍耐啲拖」,但對女兒男友林作不予置評:「我睇過研究話拍拖應該要拍四年。如果過咗四年,就會有理性去分析到個對象係咪適合自己。(女兒同林作拍咗幾耐?)兩年,所以我都叫佢拍長啲,可以了解多啲!(林作適合你女兒?)我冇咁講呀。(見過林作覺得佢OK?)我唔回應,問番個女。」

囡囡幫手襯衫

麥媽媽指目前身處巴西的女兒將於本月廿六日返港,問到女兒有否日日致電報平安?麥媽媽就透露家人之間有通訊群組:「好似我今日着咩衫都係囡囡幫我襯。(佢有冇同你講做嘢有壓力?)佢話直播有壓力。(壓力大到喊?)冇,佢之前選港姐就因為說話被誤會而喊。」麥媽媽表示待女兒回港後會為對方下廚,問到女兒平時會否為家人下廚?麥媽媽就大讚對方廚藝達到酒店級水準!