【同以前一樣索】楊思琦北上搵銀養家

藝人楊思琦因為愛情落錯注，依家要獨力湊大囡囡楊卓穎（Krystal）。最近楊思琦轉戰內地市場，實行搵人仔養屋企。呢日思琦妹獲邀擔任中山古鎮周年晚宴嘅表演嘉賓，佢着咗件粉紅色連身裙出席，喺台上面高歌，獲得台下不少歡呼聲。思琦妹將表演花絮上載微博同粉絲分享，仲留言講：「謝謝主辦方邀請，為中山古鎮周年晚宴擔任演唱嘉賓，在場氣氛熱鬧，人山人海！」網友都大讚佢仲係咁靚，同選港姐當年冇乜大分別。