【何來單身半年】孫慧雪轉口風認有男友

藝人孫慧雪以露肩裝到太古出席廚藝活動，並戴上手套跟廚藝師傅學整三文魚壽司，她說：「我平時都鍾意煮吓三餸一湯，最拿手蒸魚、中菜、煲湯。（煮畀男友食？）唔止，仲有我公司啲同事，但最近拍劇忙，少咗煮。」原來雪雪入得廚房出得廳堂，果然是宅男女神！不過今日有個令人崩潰的消息，就是雪雪突然公開戀情，宣布封盤！

上月先話單身半年

阿雪上月回應被指去年底與拍拖4年圈外男友Edwin Lo假分手扮單身，當時她聲稱：「我單身咗半年，我冇講大話！」（相關新聞： http://goo.gl/Tkb0MC ）不過今天她突然轉口風認有男友，並親口交代最新感情狀況，她說：「有男友，但我想大家專注番我嘅工作。（男友係Edwin定楊先生？）係Edwin，楊先生從來唔係男友。本來唔想公開講，因為男友係圈外人，但發覺愈唔講，大家就愈想知。（同Edwin實際拍咗幾耐拖？）哎呀，講番我啦，我今朝拍劇之後趕嚟，陣間又去荃灣做嘢。（男友有冇投訴冇時間拍拖？）冇，佢投訴畀人偷影，叫我離遠啲佢。」