【SheShe味濃】梁嘉琪反壁咚黃心穎

藝人梁嘉琪和黃心穎呢兩個「是非精」老友鬼鬼大家都知，不過佢哋「SHESHE」大家又知唔知？今日梁嘉琪就不避嫌上載一張調戲黃心穎嘅「SHESHE」相上instagram，更留言話：「衣裝藏不住我的英氣。」當日佢哋着住民初時期嘅西洋服裝，着裙嘅梁嘉琪竟然調轉角色壁咚着紳士服嘅黃心穎，佢哋全情投入演繹，黃心穎更含春咬手指，場面惹笑。網民直指壁咚不再男士專利，女士壁咚同樣令人有壓迫感。