笑袁偉豪屁股細　晒線胡定欣恨冧莊視后

藝人胡定欣、陳展鵬和袁偉豪等在將軍澳出席無綫熱播劇《城寨英雄》之「比武招親擂台」活動。要靠摸屁股估陳展鵬的定欣，摸到袁偉豪的屁股時立刻笑說：「乜咁細嘅？」而摸伍允龍的Pat Pat時就盛讚對方夠結實，非常搞笑。

成新一代「無綫福將」

以低胸裝露線頭的胡定欣就在訪問中指今次宣傳屬劇集最後一次，所以依依不捨，希望可以約齊人食住飯睇大結局。講到她今年三套劇《公公出宮》、《一屋老友記》及《城寨英雄》均收視報捷，成為「無綫福將」，她即謂：「唔敢當，係好榮幸！（谷你冧莊視后？）唔知呢？觀眾鍾意我啲劇集先係最重要！但都希望有機會冧莊嘅！」講到十月會再與陳展鵬拍住上演新劇《同盟》，問會否再騷靚股，再演打女的她笑謂：「睇吓角色需唔需要啦！相信監製唔會浪費我嘅功能！」