緋聞男女劉佩玥和伍允龍在將軍澳出席無綫熱播劇《城寨英雄》之「比武招親擂台」活動，上次已經以綠色情侶裝出席活動的兩人，今次便齊齊着紅色裝束亮相，簡直襯到絕。而活動期間，除伍允龍以「公主抱」抱起劉佩玥外，更隔住手掌錫錫製造Sweet爆畫面，玩遊戲時女方亦秒速男方的「麒麟臂」，可見兩人了解之深！

又着情侶裝

訪問時，談到他們再以情侶裝出場，伍允龍就笑指家中只有綠色和紅色衫，令劉佩玥聞言大笑謂：「你有啲牽強！」又指自己對足對方幾個月，所以先有默契。問他們是否拍拖，男方就堅稱並非與女方談戀愛：「係好朋友，好彩有佢哋電視城帶路，介紹好嘢食，同我傾偈，所以好開心。（所以有機會發展？）我同好多人都好開心。」問劉佩玥會否考慮男方，她即拉開話題，指現時最需要與對方夾「功夫」，因為最近與何雁詩和陳瀅兩位姊妹齊學泰拳。

問到為何不向男方拜師可以學得更舒服，伍允龍即謂：「學拳一定辛苦，No Pain No Gain。（整痛佢會心痛？）拍劇時成日都整到佢，啱啱行過都踢咗佢一腳！」問會否開戲讓女方參與，伍允龍就指自己在公司不管資金，但會提議下，期間女方更輕力拍打男方背脊，公然打情罵俏！