狂做運動Keep Fit　陳展鵬晒肌組團行山

無綫藝人陳展鵬於社交網上載了行山的照片，展鵬之前一直忙於拍劇、登台，故很少時間可以出外做運動，而這陣子，趁着有空，他都抽空去戶外舒展吓，今朝，就去到西貢小夏威夷徑行山，他於社交網留言謂：「還有三小時，有冇喜歡做運動的朋友想一齊行？」嘩！「拳佬」喺社交網組團行山，唔知有冇粉絲見到即時換衫去滙合佢呢？展鵬一邊行，亦一邊拍吓不少山水相，睇嚟相當享受，行到熱，佢仲剥埋衫晒背肌呀！山頂嘅朋友，你哋見唔見到呀？亦有網民留言，指展鵬其實是帶埋媽媽一齊去行山，認真孝順。

展鵬行行吓都接受《東網》訪問，他謂：「前幾日打完高爾夫球、羽毛球，今日咪行山、踩吓單車，都要為之後套劇《同盟》做好準備，之後套劇要打，需要好多體力，依家要郁多啲先得。」