陳山聰帶「連體」女友搵豹哥豹嫂開飯！

藝人單立文喜歡熱鬧，更不時與太太胡蓓蔚家中作客與好友聚會，兼將相片上載社交網站開心Share。單立文剛剛又上載咗一張大合照，仲留言寫住：「我老婆一話煮飯食，就會有班街坊自動蒲頭。」有住家飯食喎，梗係開心啦，咁到底今次有咩「街坊」蒲頭先？

嘩！細心睇吓，原來啲「街坊」陣容好強勁，有前排負責拎機嘅袁偉豪，後排右起有胡定欣、胡蓓蔚、岑杏賢、單立文，仲有陳山聰.. .咪住...原來陳山聰女友Apple都有喺度，咪同陳山聰連體嬰咁款嗰個咯。帶得女友去呢啲聚會，仲要公開表現得咁親暱，話佢哋感情好穩定，相信大家都冇異議啦！