羅敏莊掛住湊女　陳國邦呷醋

藝人羅敏莊（Mimi）接受電台錄音訪問，談到正為好友馬浚偉執導的舞台劇擔任其中一位女主角時，她透露曾想過因為想花多點時間照顧囡囡，而推掉了三個舞台劇，但因為被馬浚偉的誠意打動後就答應演出，笑言:「排戲嗰時可以帶埋囡囡嚟，仲搵姐姐哥哥陪佢玩，同埋依家全職湊女都需要工餘的樂趣。」

另外，提到Mimi之前會將老公陳國邦放在第一位，但有囡囡出現後就放了很多時間在囡囡身上，笑言：「有時我都覺得我老公會有少少呷醋，話我冇咩時間畀佢，佢都會好似個BB咁，會覺得孤兒仔冇人理！」