勁受細路歡迎　「藍男」父母癮大爆發

藝人王祖藍和老婆李亞男與元岡幼稚園一班小朋友到迪士尼一日遊。期間，有小朋友明顯有追看中午重播的無綫劇《老表，你好Hea！》，遊玩期間不停追問劇情，令祖藍哭笑不得，之後兩公婆又各自抱抱小朋友，實行一過父母癮。

爆媽咪抗拒湊B

對於祖藍被指一年內斥資逾7,000萬買樓，他即謂：「換樓咋！冇咁多！」又謂新居與之前居所（雅景花園）價錢相差不大，所以只補了少少差價。問到該「差價」對他來說是否只是「散銀」，祖藍即笑謂：「傾盡全力呀！」他們又表示現在既可過二人世界，又可以方便照顧媽媽，感覺很好。問見到小朋友會否萌生生B打算，李亞男表示想享受多一會二人世界，祖藍亦笑指媽咪不想他們太早生B：「佢驚有份湊！」

避談嘉欣生B

談到盛傳好友鍾嘉欣已經生B，王祖藍即謂：「我真係唔知！」李亞男則說：「等佢本人公布啦！」他們又謂上星期有與對方隔空聯絡，但沒有問過對方幾時生B。問嘉欣生B後會否赴加國探望好友，李亞男就指若對方邀請一定會去：「都想睇吓個BB！（仔定女？）等佢講啦！」

講到拍檔王寶強「綠帽」事件，王祖藍即指希望事件大事化小、小事化無：「私底下我哋都互相撐對方，唔需要提太多，畀啲空間佢處理。」