【鼻高嘴細似媽咪】關心妍囡囡滿月喇！

現年37歲嘅關心妍（Jade）喺7月23號為老公誕下囡囡楊榮心，話咁快又過咗一個月，心心滿月喇！呢日Jade喺Instagram晒出為囡囡影嘅滿月寫真，相中見到心心畀一條白色大毛巾包紮住，十足一隻糭咁瞓喺毛氈上，頭上又戴住白色Lace頭帶，仲綁上一隻蝴蝶結，真係超級可愛呀！望真啲，B女鼻高高，嘴細細，好似媽咪一樣咁靚女呀！