莊思明傳授選美秘訣：唔好介意負評

藝人莊思明（Lisa）於中環為「綠魔」許嘉浩（Karl）旗下公司舉行的新星選拔賽初選擔任評判。現場有十一名參賽者，質素參差，Lisa直言評審準則首要參賽者有自信：「但自信同自大只差一線。（你以前參選港姐有咩準備？）冇刻意準備，做好自己，唔好太虛偽。（再做人都接受？）睇吓再做到咩程度，盡量揀純天然。（扣分？）唔會，要睇內涵。」而同為評判的Karl表示想選出內外兼備及熱愛演戲的新人。

Lisa被問有否勾起過往選美的回憶？她笑稱不太記得，但有留意今屆香港小姐競選，稱讚質素OK。Lisa寄語候選港姐別介意負評：「外界通常負評多。（叫佳麗別介意？）冇得介意，參選都介意，入咗行咪要跳樓！（你有類似經歷？）有呀，我畀人鬧住選出嚟，選完又鬧，但我唔理。」問是否因此提升了EQ？Lisa反而自爆經常與網友罵戰：「我會路見不平，喺網上我成日反擊同人鬧交，唔想畀佢哋覺得網上欺凌冇問題。」