即日來回飛北京！陳豪趕返屋企湊仔

藝人陳豪現身機場，出發到內地出席北京電視節，身穿恤衫、頭戴黑帽的他於早上約六點半便到達航空公司櫃位辦理登機手續。他表示無綫會在電視節推介新劇，包括他主演新劇《來自喵喵星的妳》，他笑謂：「我志在參與！」他又表示今次行程是即日來回，所以不用放低小朋友太耐，而老婆陳茵媺亦會好好照顧他們。

問是否因湊仔而不考慮出埠工作？他即謂：「要安排得佢哋妥當先，唔係嘅話就會好擔心！」問有否因小朋友而推辭拍攝內地劇？他就指未必全是因為仔女：「有時係劇本原因，或者係時間上，依家都叫等緊合作機會。」另外，見他到頭等櫃位辦登機證，問是否想坐得舒服而自己加錢？他謂：「冇。（因為你係視帝就畀你坐頭等？）Really？公司好多視帝咪有排坐？」