【內衣褲放埋一齊？】如楠共用一篋

藝人黃翠如孖住男友蕭正楠在機場出發到內地出席北京電視節。其中蕭正楠就拖住個喼，而黃翠如就只是攞住個小手袋，似乎他們的行裝都擺埋一齊，問他們是否一齊由屋企出門，黃翠如即謂：「我今朝收工先去佢屋企。（以為你哋同居？）冇乜所謂啦！」為宣傳無綫新劇《巨輪II》和《幕後玩家》而北上的他們，被問到會否一齊行紅地氈，蕭正楠就表示行程趕急所以不知道有否紅地氈環節，更得戚謂：「我淨係知道洪永城唔喺度，因為拍外景嚟唔到！（你同翠如可以寓工作於拍拖？）邊有時間，最多上機唔瞓覺，傾吓偈。」

翠如否認演釘姐

而女方就指兩人最近忙於拍劇，所以都少見面。談到黃翠如有份拍攝十月開鏡的《使徒行者2》，問是否做「釘姐二號」，她即時否認並表示故事與上輯不同：「女主角亦都唔係我，我有份做啫。（驚同上輯有比較？）人物角色都唔同，但編審就同一個，相信佢哋功力。」而拍攝合照時，同場的田蕊妮就化身「視后級電燈膽」，夾在這對情侶中間，場面搞笑。