買樓唔係一炮過畀　馬明：要供㗎做鴨咩

「筍盤」馬國明（馬明）以一身的士司機造型出席無綫新劇《降魔的》造型活動，談到有指已經與無綫續約，他說：「續咗啦，開工就唔關續唔續約事嘅，今次續約自由度大啲！」

買樓係阿媽家姐話事

榮升業主的他，頻頻說多謝，透露裝修後年尾入伙，會與父母及家姐同住，他謂：「有個空中花園，住得舒服啲啦，媽咪成日話冇位晾衫，又可以種吓嘢！」至於購入大單位是否為了將來結婚都可以與家人同住？他笑謂沒有想得如此長遠，而舊居則會放租出去，他透露新居是媽媽與家姐決定購買，他謂：「講買樓都講咗幾年，一直都睇唔啱。（一次過畀晒錢？）要供㗎，做鴨咩，做鴨都冇搵咁多啦！」

未追過王君馨

談到有指他曾追求王君馨，他笑謂：「佢係好女仔嚟㗎，我又未追過佢，同佢拍《心理追兇》就試過查佢！」又指有信仰的女仔都是乖女孩！

眉粗唔驚靈異事件

談到新劇屬於靈異題材，被問是否會過農曆七月才開拍？他謂：「九月中拍，過晒啦，一定要拜神，加上靈異題材會做足啲！」未曾遇過靈異事件的他謂可能是因為自己眉粗，又謂不怕靈異事件發生。