張敬軒王菀之合體開騷　攬到實揀海報相

張敬軒和王菀之（Ivana）將於明年2月16至18日首度合體紅館舉行《The Magical Teeter Totter演唱會2017》，門票在9月26日則在城市售票網公開發售。

開騷做搖搖板

為了這個首個合體紅館騷，二人多次開會，演唱會名的意思是搖搖板，軒仔指他們相處就好像一齊玩搖搖板，一時鬥嘴，一時互攬，Ivana表示他們一高一矮、一肥一瘦、一黑一白，加埋就是完美絕配！

自爆得閒煮飯仔傾心事

軒仔和Ivana相識多年，默契十足，今次演唱會海報他們決定要玩味濃，以「巨人與小人」為主題，拍攝時他們不時交換角色，非常好玩。舞台上Ivana與軒仔是合作無間，私底下也是非常要好的朋友，Ivana透露他們經常約埋買餸煮飯仔傾心事，軒仔即笑說：「買餸係你同蘇生做嘅！」Ivana偷笑。當軒仔表示二人關係就如最佳拍擋時，Ivana即煞有介事地說：「我哋冇嘢㗎！」軒仔哈哈大笑說：「我哋芥蒂就有好多！」

又互窒罕掟鞋　轉頭攬到實揀相

服裝設計師特別安排兩人穿情侶間條睡衣，又在布景的迷你牀上玩打交又互窒，軒仔被Ivana激到要除拖鞋掟她，二人一追一避，令拍攝影樓充滿笑聲。其中軒仔穿上一件花碌碌中褸，頭戴紳士高帽，他笑對Ivana說：「我呢個造型好靚，件褸有500朶非洲菊做，真係好似開菊展咁呀！」Ivana則笑軒仔是谷氣才真！Ivana表示他們的巨人和小人的角色是會交換來拍攝，她自覺是飾演平日輕盈的她一樣。軒仔卻反問Ivana：「乜你真係覺得自己好輕盈？」Ivana自滿的說：「我係Fit咗！」雖然他們不停互相整蠱和互窒，但揀相時軒仔從後攬住Ivana就好溫馨，果然一時水溝油，一時糖黐豆！