上契?岑麗香買音樂玩具氹鍾嘉欣個B

20160826
東網電視
更多新聞短片
音樂玩具都幾好吖,對BB腦部發展有幫助。
藝人岑麗香(香香)以露肩裝配短裙現身旺角街頭出席手機活動,並與魔術師齊齊表演魔術,吸引不少途人圍觀。香香笑言自己是魔術師助手,只負責站在旁問:「點解嘅?」便可以,她說:「我有幾個朋友試玩魔術,自己都試過,但冇天份,亦都冇耐性去學,魔術要苦練,唔簡單,好有娛樂性,遠啲睇會舒服啲。(男友有冇玩魔術氹你?)佢唔係魔術師,佢唔識。(男友平時點氹你?)咁私人,好似魔術師咁都唔會講個秘訣,我喺魔術師身上學到嘢,就係唔講咁多,雖然學唔到魔術。」
預告港男決賽晒舞技
談到工作方面,香香稱將會到澳洲登台,會獻唱《一人有一個夢想》及《月亮代表我的心》,她說:「我好鍾意舊歌,啲歌詞特別靚,我背咗好耐。(會唔會順道去探鍾嘉欣同佢嘅BB?)有啲唔順路,可以問吓機師先。(有冇計劃去探佢?)應該度唔到期,要等吓,可能佢會返香港呢!(嘉欣會帶埋BB返香港?)要問佢。(你做契媽?)一定要問嘉欣,係父母決定。我作為姊妹,只要諗吓買乜禮物。我知佢鍾意音樂,買咗會播音樂嘅玩具。」除了登台,香香還透露會為香港先生決賽表演跳舞:「會跳特別嘅舞,我平時好女仔,但今次個造型會男性化啲,可能我可以選埋香港先生。」