文頌嫻自稱唔係怪獸家長

藝人文頌嫻出席兒童音樂劇，她透露會擔任嘉賓頒獎給女兒，女兒亦會上台表演，她說：「佢學咗一年多，佢好鍾意，之前佢好怕醜，自信心大咗，佢表演嗰陣我唔知會唔會感動到喊！（喺屋企有冇跳畀你睇？）睇佢心情，有時學校open class會叫父母去睇，覺得好ok，佢有呢方面天分。」問到會發掘女兒演藝潛能？她表示：「冇刻意培養，等佢揀。」她更直言自己不是怪獸家長，女兒只學了游泳、普通話、畫畫、跳舞、英文歌劇。她更謂女兒升K2要幫她安排過興趣班的時間，不想她太攰，健康為主。