周柏豪晒自拍　眼利網友發現又換新車

歌手周柏豪和余文樂都係藍球同靚車嘅愛好者，有傳兩人因為球場上起爭執而面左左，傳足幾年，之後又話因為佢哋都鍾意揸靚車，大家就靠共同話題而破冰。其實呢啲都係傳聞，係真係假得佢哋自己先知，不過柏豪換車速度快就肯定係事實。

呢日佢上載咗一張同一個小朋友喺車廂內嘅相，柏豪話佢哋啱啱睇完《哥斯拉》，兩個人仲伸晒脷扮怪獸。有眼利嘅網友見到佢又換新車，今次換嘅係一部新嘅「野馬」跑車。雖然好難睇到咩型號，不過柏豪玩得嘅都唔會係普通貨式，搞到網友都話好想一賭廬山真面目！