牙膏溝餅乾碎　古天樂拍嘔吐戲一身泡

電影《危城》上映踏入第二周，主演之一的古天樂（古仔）就特別拍攝短片答謝觀眾入場，亦希望有更多人可以買飛看他和劉青雲等的演出。戲中古天樂有吊頸場面，除了吊頸本身好難受外，他又指拍攝此場面時環境很惡劣：「成日落雨，屋頂滲晒雨水，現場又好多小昆蟲，尤其係我坐嗰張石櫈，好多蝨，坐喺度都Feel到啲蝨跳吓跳吓。」而另一場嘔吐戲，古仔更要嘔出由牙膏和餅乾碎溝成的白泡，他說：「會嘔到成身都係！」