朱千雪儲錢讀博士:到時先諗拍拖
藝人朱千雪(Tracy)、劉佩玥(Moon)及袁偉豪(Benjamin)等於電視城錄影節目《你健康嗎?》。擔任嘉賓的Tracy透露今次被測試記憶力:「好彩記憶力正常。(平時記憶力用作記仇?)唔會,我心哋好,我記對白都冇問題嘅!」
年尾行畢業禮
於早前繼續學業的Tracy稱今日收到畢業確認信,將於年尾行畢業禮。問到會否再讀書?她笑言再讀就會讀博士學位,可能屆時才諗拍拖:「儲到錢可以再讀。(冇時間拍拖?)讀埋書先。(讀到博士先拍拖?)諗吓啦!」