歐瑞偉嫌「不死身」冇着數：成日畀人打

藝人歐瑞偉喺尖沙咀孖無綫劇集《城寨英雄》一班演員食結局飯。呢次《城寨英雄》角色塑造確相當成功，惹起咁多話題，「楊竹鑾」歐瑞偉嘅不死身，就係網民熱話之一。對於被指「太誇張」，佢就笑住咁話：「今次劇集係打得好漫畫式，好似胡定欣咁都打到好似飛出嚟咁，問題唔大，大家唔好當現實咁睇。」歐瑞偉仲話擁「不死身」其實冇乜着數，因經常要捱打：「成日都要畀人打，唔係咁好享受咋！」歐瑞偉坦言劇集受歡迎，亦有帶挈佢多咗工作。