濕吻搵罩門?網民嗌貓仔花曼死得唔抵

20160828
東網電視
更多新聞短片
原來貓仔同花曼佢哋係搵唔啱個方法!
劇集《城寨英雄》去到最尾大家一定好關心點樣先可以打敗「終極Boss」砵仔糕老闆「楊竹鑾」(歐瑞偉飾)死,之前見「刁蘭」胡定欣、「牙佬」袁偉豪、「拳佬」陳展鵬同埋「泰婆」元秋齊齊搵楊竹鑾嘅罩門,但點都唔成功,仲要畀佢無敵反彈冇回頭!喺今晚終於破解成功喇,就喺陳展鵬唔冷靜同感應唔到罩門嘅時候,胡定欣突然嚟個法式濕吻,令陳展鵬頓時開竅,唔少網友都話呢一幕真係好令人意想不到,估唔到之前打生打死通通都冇用,竟然係靠一個愛的接吻!
仲有網友話如果個結局係咁,真係好想「花曼」王君馨同「龍成虎」伍允龍翻生,話佢哋之前咁嘅犧牲好唔抵!亦有人話「刁蘭」胡定欣、「牙佬」袁偉豪同「拳佬」陳展鵬呢三個人死晒,咁樣嘅結局先夠公平!睇嚟網民對呢幾個角色又愛又恨。