孖住阮兆祥開工　黃翠如負責等食

無綫藝人黃翠如主演的新劇《為食神探》即將推出，她在電台訪問中說：「我喺套劇裏面做嘅角色好型，係車神嚟。」今次合作的演員包括馬國明、阮兆祥，她大讚他們好玩得，大家合作得好愉快，她說：「拍戲時候都唔似開工，最開心係可以不停食，以前拍劇啲道具係一早買定先，好多時拍嘅時候已經凍晒，但祥仔最大功能就係開工前去採購啲嘢食，我哋就負責等食。」

而劉江在劇中飾演她爹哋，她承認最初好緊張、好擔心，但第一次跟劉江對戲時，對方叫她放心，會帶她入戲，她說：「劉江話交畀佢，所以拍呢部戲拍得好舒服，馬國明又帶我點做，所以我唔使諗點做。」