馬浚偉恨舞台劇添食　羅敏莊嗌睇女兒頭

藝人馬浚偉與羅敏莊（Mimi）到電台宣傳舞台劇《偶然，徐志摩》，劇中馬浚偉飾演徐志摩，而Mimi飾演徐志摩首位夫人張幼儀，兩人表示正如火如荼的排練中，馬浚偉更大讚Mimi快入戲：「佢一嚟已經中晒，同佢夾好舒服，雖然佢係人媽咪，但我都叫佢唔好唔演戲同唔唱歌。」Mimi笑謂是因馬浚偉很嚴謹，令大家亦要打起十二分精神：「係好嘅影響，平時初頭排戲大家會玩吓先，但今次係唔同氣氛，大家好投入。」而馬浚偉與劇中另一女主角萬綺雯首次合作，他坦言初時非常緊張：「佢係長腿姐姐喎，但經過今次我哋認識深咗嘅，同Mimi就識咗好耐，對住佢唔會緊張。」

度定期再公演

問到可會再加場？馬浚偉指演藝學院沒期，但有計劃之後再度公演，並於明年的下半年做巡迴演出，他更笑問Mimi：「我預咗Rerun㗎，你會唔會再生㗎？」Mimi笑說：「睇吓我做得好唔好先，可能唔好你就唔預我。」而馬浚偉知道Mimi要照顧女兒陳禛，所以很難度期，但會盡量遷就她。Mimi就表示陳禛明年將升讀小一，9月1號就要為女兒報讀國際學校：「聽啲家長話凌晨12點一有form就要填，千祈唔好遲，我唔係要佢入名校，而係唔使做咁多功課嘅學校，希望佢入到我Target咗嗰間學校，唔係我就跟唔到你去tour。」馬浚偉即笑說：「唔得喇，我聽日會去跪求個校長！」