東網電視
更多新聞短片
翠如話佢喺劇中係咁畀洪永城鬧，搞到佢條氣勁唔順，要打畀唐詩詠（紅圈）告狀，認真嬲豬。
1/10
藝人黃翠如、洪永城（Tony）及莊思敏等於電視城為無綫新劇《我瞞結婚了》進行開鏡拜神。於劇中出演夫妻的二人直言拍攝有默契，惟翠如表示於劇中經常捱Tony鬧，Tony聞言笑說：「我發洩咗內心團火，可以名正言順鬧佢！」翠如更自爆親自致電Tony女友唐詩詠（Natalie）「告狀」：「平時同佢嗌交普遍我贏，因為有工作人員幫我。不過今次拍劇就畀佢贏我，氣難平！佢好惡，佢鬧我特別用力。有次佢鬧多咗我，我打畀Natalie，將我對你嘅不滿話佢知。」Tony即大為緊張地問：「係咩？你打畀佢講咗咩？」翠如就得戚地說：「唔話你知，總之我鬧你，Natalie又幫我。佢仲答我『你係咁㗎喇』！」問Tony於劇中狂鬧翠如，會否擔心令對方男友蕭正楠詐型？他即呻冤：「唔好聽翠如講，我只會喺範圍內演。」
演親熱戲唔難
Tony直言已開始拍攝一個月，問會否期待與翠如出演親熱戲？Tony笑說：「故事性好。（動作上呢？）未度，同導演夾吓。（咁熟好難演？）唔覺太難，投入咗情感。」
洪永城呢次可以名正言順鬧翠如，佢話直頭係發洩咗佢內心團火。
洪永城話佢同翠如拍親熱戲唔會太難，因為佢投入咗情感。
洪永城晒迷人單眼。
翠如話係咁畀洪永城鬧，所以佢頂唔住要搵唐詩詠告狀。
洪永城
嚟切燒豬。
翠如一話搵唐詩詠即大晒得戚樣，而洪永城就好緊張。
翠如
唐詩詠（資料圖片）
