《城寨》效應!展鵬爆加國登台勁受歡迎

20160901
東網電視
更多新聞短片
陳展鵬透露一由加拿大返港,即趕返電視城,認真忙爆。
藝人陳展鵬出席《為香港運動員再加油》錄影,展鵬透露剛從加拿大登台回港即趕回電視城,他指登台是去年底接的,不過亦受《城寨英雄》效應令登台十分受歡迎,更謂有觀眾是特意駕幾小時車到當地欣賞,更透露今次同行有鄭嘉穎與王浩信!至於有否被嘉穎與浩信取笑他賺很多?他說:「冇吖,之後再拍兩套劇,應該拍到出年三月,希望《城寨》熱潮未過啦!」又直認因而不能接商演,笑謂公司負責接工作而不知道損失幾多。
作為前乒乓球港隊代表的展鵬,被問會否與運動健兒切磋一番?他說:「佢哋實讓我,依家水平高咗好多,可以就玩吓啦,希望佢哋唔好介意我着成咁!」
冇探鍾嘉欣
至於到加拿大登台有否順道探望在當地誕下B女的鍾嘉欣?他說:「我喺多倫多,佢喺溫哥華,隔幾個鐘機,不過有Send Message恭喜佢。」
嘆合約係最苦惱
談到與嘉穎登台,有否得知對方不續約無綫?他說:「係咩?好少講呢啲嘢,佢幾年前已經講江湖再見㗎啦,世界就圓嘅,依家都好多人返嚟拍劇,香港得TVB。」又笑指不敢諗自己幾時約滿,因演員較被動,最重要是做好自己,坦言合約是最苦惱的問題。
港協暨奧委會副會長霍啟剛亦有出席錄影,不過他全程未有受訪,但見到他身形清減不少,連肚腩都不見了,認真Fit爆。未知是否因為他最近忙於與太太郭晶晶,拍內地真人騷所致呢?