高海寧爆「出水芙蓉」片拍足十次

20160901
東網電視
更多新聞短片
原來段片拍咗十次呀!
藝人高海寧(高ling)身穿深藍色露肩連身裙,與許廷鏗、王子涵及麥長青出席「譽宴.星海揭幕典禮及酒會」。提到高ling日前在社交平台上載身穿比堅尼由泳池上水的短片,她指當日是為劇集《不懂撒嬌的女人》進行拍攝:「拍完化妝師就幫我拍啲花絮,我覺得好靚就同大家分享,為咗要好靚咁出嚟,我拍咗十次都有,要夾,個嘴要合埋,水花又要靚,效果出嚟先會靚。」又指因不懂游泳,所以很少去沙灘:「拍劇先會游水,我為咗呢套劇學咗2堂游水,但我唔叻,游極都唔郁,踩水都踩得唔夠好。」
問到上載短片前可有問准男友?高ling指沒有男友,並說:「我唔使問任何人,我可以好有自主權咁決定自己做啲乜嘢。」又指很多人都睇過片段後都留言讚好靚。問到緋聞男友鄧智偉可有讚她?她笑說:「佢冇特登send message嚟讚我喎。(叫佢教你游水?)我搵啲專業嘅游水教練,會學得快啲,同埋我嚟緊想學潛水,學完游水先學會好啲。」