張家輝古天樂繼續大晒「HeHe」味

演員張家輝、古天樂、吳鎮宇、佘詩曼等主演的電影《使徒行者》上映至今包括大陸、香港及星馬，亞洲總票房已衝破七億港元，單是內地已經錄得逾五億八千萬人民幣，今晚在尖沙咀舉行慶功宴，嘉映影業董事長覃宏、無綫主席陳國強、監製王晶、導演文偉鴻與一眾演員齊齊慶功。

開心票房報捷

古天樂與張家輝「情如夫妻」，古仔更搭實張家輝影合照大晒兄弟情，繼續「HeHe味濃」。他們一齊接受訪問，講到票房衝破七億，張家輝好像難以置信說：「咩呀？係咪㗎？計埋非洲嗰邊呀，開心。」古天樂說：「咁咪好開心囉。」講到個人票房最高紀錄，張家輝說：「有份參與梗係《賭城2》、《賭城3》啦，票房好有份參與當然開心啦。」古天樂則說：「我冇記喎。」

問到家輝會否加片酬？他說：「問你呀拍咁多戲。」古天樂說：「人哋問你。」張家輝說：「片酬嘅問題永遠都唔係你個人可以決定，我話十億，但唔得㗎啦，係商業世界裏面係一盤生意嚟，你值幾多，要人哋畀你先至係值幾多，所以唔係話我講幾多就得。」古天樂笑說：「我交畀經理人去處理。使乜講咁多嘢呀。」張家輝說：「呢句得喎。」

唔同人比較片酬

問到兩人可會擔心有指內地限制一線明星片酬？古天樂說：「所以要交畀經理人去處理，所以要有經理人就係咁解。」問到張家輝可認為內地一線明星片酬過高，有指周迅酬勞過億，他說：「唔可以同人比較，如果投資商認為合理，商業世界運作就係咁。」

提到兩人甚麼時候再合作？張家輝說：「《使徒2》啦不如，再續前緣呀嘛。（你角色已經死咗？）電影世界邊有話死咗唔生得㗎，只要大家喜歡，死幾多次都可以生，同埋我覺得《使徒》你睇電影版唔一定要睇咗劇先去睇，係一個好獨立嘅事，《使徒2》可以係一個全新局面嘅臥底世界。」