被爆9月頭擺酒 張名雅再晒婚照倒數

20160902
東網電視
更多新聞短片
張名雅再晒照倒數婚期,不過佢就Tag埋「family」喎!
前港姐張名雅早前喺7月31日就承認獲男友Joe求婚,之後佢8月1日就喺網上晒婚照正式宣布婚訊,唔使再收收埋埋!雖然佢冇公布婚期,不過就被姊妹團之一嘅唐貝詩踢爆9月頭擺酒,話咁快已經9月,咪即係就到?
呢日張名雅就再喺IG晒婚照,上次嗰張咁矇查查,今次呢張就靚好多喇!張名雅着上低胸婚紗,而未婚夫就輕吻佢嘅手背,鬼咁Sweet!睇嚟婚期臨近,所以佢拎番啲相出嚟回味加倒數,佢留言:「平時拍劇,拍廣告,出event都會穿婚紗,但這次卻不一樣,因為有你。Counting down」跟住佢仲tag埋「family」喎!咦咦咦~乜核心家庭嘅意思唔係由父母加埋其子女咩?之前問佢係咪有BB,佢就話「唔講喇」,咁就真係留畀大家想像吓,如果係有嘅,就雙喜臨門,恭喜定先啦!