【注定係青梅竹馬】敏之孖唯唯老婆產檢

佗住B仔逾6個月嘅索媽陳敏之一向同準人父梁烈唯好老友，8月尾嘅時候唯唯就宣布老婆Tina有喜，佗B女4個月，所以兩人生B時間都差唔多！雖然唯唯話未必要同敏之對親家，但睇嚟佢哋嘅仔女未出世就注定係一對青梅竹馬，因為呢日敏之約埋Tina去產檢呀！

敏之喺IG上載合照，留言：「一齊陀（佗）??，一齊做產檢????」雖然就未見到佢哋個肚，但睇落兩人精神都非常之好！相信呢兩位大肚婆仲有好多嘢一齊做，一齊餵奶、一齊湊B、一齊揀學校！而小王子同小公主就開心健康咁成長喇！