終於結婚了！42歲馮德倫娶40歲舒淇

恭喜！恭喜！40歲的舒淇終於與42歲的馮德倫修成正果，宣布結婚！兩人緋聞傳足多年，至今年6月舒淇與馮德倫因被記者偷拍約會，舒淇被迫在fb上載一張與男友合照公布戀情。

相隔三個月兩人今日發出一輯婚照、一段短片及結婚啟事予傳媒宣布婚訊，穿上婚紗的舒淇面上流露幸福的笑容，與西裝骨骨的馮德倫嘟嘴深情對望，其中一張更非常搞笑，瞓喺地上的舒淇嘟起嘴仔扮食馮德倫，充滿動感，非常有舒淇的風格！而婚照亦有便服造型，穿上粉紅色連身裙的舒淇拖着馮德倫開心到跳起，真係隔住個Mon都感受到佢哋嘅幸福！

而一輯逾3分多鐘的短片則由兩人多年來的甜蜜合照，再加插合作的電影片段導出兩人相識經過，睇完真係會感動到眼濕濕，未知係咪由導演馮德倫操刀剪輯呢？而最值得一提嘅係，舒淇喺結婚啟事入面最後寫嘅一句「PS.目前尚未懷孕」，可能舒淇知道記者下一句問乜，所以自己講咗先，認真搞笑！