【8日發燒2次】楊思琦抱病出騷塊面凹晒

藝人楊思琦出席慧妍雅集活動，只見她消瘦了一圈，聲沙沙的她表示自己抱病上陣，她說：「呢排病，所以瘦咗，病得好緊要，未試過八日裏面發兩次燒。（有冇傳染到個女？）佢都有咳呀，所以我要自我隔離。（瘦咗幾磅？）本身99磅，我估瘦咗幾磅，冇磅過，不過啲鬆咗，照鏡又發覺塊面冇肉，但最緊要唔好病到面青青口唇白晒咁。（病嗰陣有冇人照顧？）其實病親都想有人照顧，因為發燒嗰日自己仲要湊住個女，我病到暈陀陀喺床，個女就自己玩，不過佢都好懂事，問我係咪唔舒服，同埋呢兩日開學又會忙啲，放假就舒服啲，唔使就住幾點出門口。」