壓力大到喊!許雅婷拍內地劇苦練普通話

20160905
東網電視
更多新聞短片
許雅婷(左圖)為咗拍內地劇,苦練普通話,搞到佢勁大壓力。
組合少女標本成員許雅婷(Kabby)近日接拍由王朔監製的內地青春校園網劇《梔子花開》,她在劇中飾演一名為夢想不停奮鬥的90後獨立少女,與其真實性格相似。該劇昨日於青島進行開鏡拜神儀式,穿上白衫輕露香肩的Kabby和一眾內地新生代演員楊肸子、唐小天、蘇妙玲等出席,令現場充滿青春氣息。
第一次拍內地作品
今次是Kabby第一次拍攝內地作品,也是第一次踏足青島,所以無論在環境或語言方面,對她都是新嘗試。由於Kabby要用原聲拍戲,所以在青島都要做學生,跟隨老師練習台詞及演藝技巧,但過程絕不容易,她說:「我喺呢幾個月先開始學普通話,台詞要重新學過,我記得第一日去學台詞已經爆喊,真係好大壓力同好大挑戰,因為我上堂嗰陣,老師對我都幾嚴格,佢想我由最基本嘅韻舞、讀國語急口令學起,經過呢個訓練之後,我覺得自己好似成長一大步,同埋趁後生試唔同嘅嘢、捱吓苦都好,好過將來先嚟捱。」
與劇組去青島海灘減壓
Kabby表示有次隨劇組去青島海灘一起「解放天晴」,她說:「其實係老師同我哋上表演課時,想我哋解放吓,老師想我哋對住個海嗌當Relax吓,叫『解放天晴』,所以都有做到;但最搞笑係我睇地圖以為沙灘好近,諗住行半個鐘就到,結果行咗差唔多兩個鐘先到。」Kabby知悉青島盛產海鮮,可惜她有海鮮過敏症,為了保持靚樣拍劇,惟有得個睇字,忍口戒食。