朱千雪爆張名雅出嫁冇請飲:可能唔夠位

20160905
東網電視
更多新聞短片
朱千雪尷尬話張名雅(紅圈)出嫁冇請佢飲,佢話可能唔夠位啦。
藝人朱千雪出席明珠台節目《地球的邊緣2》宣傳,透露剛完成碩士課程,剛好父母從加拿大返港過中秋,故她完成課程後未有外遊,更意有意稍後再繼續修讀博士課程,問到是否再向無綫請假?她謂:「要再同公傾,年尾會再開劇,不過就算讀書都會同工作兩邊兼顧。(咁鍾意讀書?)有用嘛!要Keep住增值,人大咗就會好多嘢失去,所以趁後生有機會去做。」
認有圈外追求者
談到學歷如此高,會否怕嚇怕追求者?阿雪謂:「唔關事,追我係講心,唔講學歷。(有冇同學仔合眼緣?)大部份都係女仔,讀書要用太多心機,我唔會去識同學仔。(就嚟30歲機會少咗?)就算唔讀書都唔代表我30歲前搵到男友,我又冇話唔拍拖,隨緣啦!(有冇人追你?)我諗都有,圈外人,正常人,我感情生活低調,有消息會同大家宣布。」
同張名雅少聯絡
問到同屆港姐張名雅即將出嫁,可有請她飲喜酒?阿雪尷尬謂:「冇請我呀。(同屆喎!)可能唔夠位啦。(冇聯絡?)少,之前有拍過同一部劇,咁人哋請飲有人哋嘅權利。(認同佢閃婚?)佢未必係閃婚,只係冇通知大家啫!」