突破盲腸！黃建東楊明男男激吻

藝員黃建東於熱播劇集《為食神探》飾演一位男同志，與型男楊明有肉緊咀嘴場面：「第一次喺TVB電視劇飾演男同志同埋有男男接吻場面，要突破好大嘅心理關口。記得當初同楊明討論會係借位定係堅咀，大家都覺得係劇情需要，加上係時候要為藝術犧牲，所以決定真咀，希望令觀眾留下深刻印象。」

擔心激嬲莊思明

黃建東更指接吻鏡頭不慎NG好幾次，幸好與楊明是認識多時的好友，因此沒有尷尬，但笑言擔心激嬲「阿嫂」莊思明，希望她不要看到這場戲而眼冤，又笑指二人經常放閃光彈：「佢哋成日都好冤氣，唔講仲以為佢哋已經拉埋咗天窗。」