女子組合Super Girls成員趙慧珊（Aka）及蔡明思（Jessica）出席化妝品牌活動，Aka表示因大家膚質不一樣，故不會交換或混合使用化妝品，並謂以免不衛生。Jessica還透露跟另一隊員Yanny有潔癖，Aka對此笑言連自己本身不太整潔，亦被二人所感染，而令生活習慣變得乾淨了，續自爆以往事蹟：「我試過唔見咗盒眼影，搵咗兩日都搵唔到，結果我有日一除帽，就發現眼影攝咗喺頂帽度。」Jessica續玩踢爆說：「有次做嘢，發現有隻食咗一半嘅糯米雞放咗喺鞋入面，大家都話一定係Aka。」

二人表示是次活動廣告照是首次沒有執相的工作，當初接洽此項「證件相」工作時亦有擔心相片的效果，Jessica說：「好驚大細眼、高低眉，不過依家效果咁靚，可以拎張相去做護照啦。（拎去徵婚啦！）好呀。」

吳業坤會嚟睇SG演唱會？

Aka續透露其五人組合將於11月11日光棍節開演唱會：「因為我哋5個都係光棍。（請吳業坤嚟睇？）開會都見到嘉賓個名單都幾多人，我覺得佢會嚟睇。（點解咁肯定？）咁我都有去睇佢（演唱會），大家互相睇。」Jessica又謂會誠意邀請吳業坤睇騷：「今次場地比上年（演唱會）大3倍，今年有得坐，心情好驚、好緊張，諗緊啲古靈精怪嘅主意嚟搞興嗰場。」Aka預告演唱會會有開心的互動環節。