【仲係咁靚仔靚女！】城城雪兒世紀合照

「誰輕輕叫喚我...喚醒心中愛火...」一聽到呢句咁經典歌詞，大家有冇諗起十幾年前嘅一個電訊商廣告呢？郭富城同雪兒合作嘅廣告，大家又記唔得得呢？

城城連日來喺紅館舉行共15場《舞林密碼演唱會》，雪兒日前仲去咗捧場添，之後雪兒去咗後台搵城城合照，佢喺IG晒相留言話：「Nice to catch up after 19 years！ Congratulations to Aaron and his team for a sensational show！（好開心相隔19年後再次碰頭！恭喜Aaron和他的團隊演出這麼精彩的表演！）」嘩！呢張合照真係不得了，真係喚醒咗唔少人嘅那些年呀！網民睇到張相，都大讚佢哋外表完全冇變過，仲係咁靚仔靚女，19年如一日咁話喎！

現年41歲嘅雪兒係中印混血兒，爸爸係印度人，媽媽係華人，十幾年同城城合作拍完廣告之後，就加入無綫拍劇，當中最膾炙人口嘅當然係《尋秦記》啦，大家仲記唔記得呢？佢仲同過古天樂傳過緋聞添。之後，雪兒喺2010年結咗婚，返去新加坡做幸福少奶奶！