冇眉妝嚇走客戶　王菀之畀軒仔塞襪落口

歌手王菀之（Ivana）接受TVB娛樂新聞台節目《StarTalk》主播許文軒（Edmond）專訪，大談創作新歌《該死的快樂》及婚後感受。

王菀之都要咪嘴？

Ivana表示婚後創作的音樂有所不同，她說：「我自己都唔知，係之後有人同我講先發現，我成個人較Soft同埋有泰然嘅氣場喺歌中，由於呢兩年自己唱咗好多較靈性嘅歌，少咗以前嘅電子Band Sound，所以今次係時候撩番啲火出嚟。」她又謂：「今次黃偉文填嘅詞搞到好難唱，最初收到佢嘅詞，我都驚一驚，但我冇理由叫佢改，所以我決定唱Live嘅時候到嗰粒會夾口型。」

被取消表演

提到新歌MV造型嚇人，Ivana說：「今次係冇眉妝，其實之前喺頒獎禮中試過，就係因為嗰次個冇眉造型一出，我有一個客戶取消咗我Annual Dinner個表演，佢哋話我冇畫眉好怪，如果我去佢公司唱歌都唔畫眉咪死，我第一個反應係乜咁Funny，咁算啦！其實總會有人覺得我唔好，我唔想因為咁而唔試。」

嬲張敬軒嬲到喊

專訪中，Ivana應主播Edmond要求大玩「快樂指數」遊戲，結果令Ivana最開心的男人原來是監製Alex Fung，亞軍是張繼聰及白只，問到王菀之為何把老友張敬軒放在一邊？她謂：「其實佢唔係對我好好，我要講第101次，有次大家做完嘢喺保母車，佢竟然襯我瞓覺，除咗自己對襪放落我個口入面，我食咗佢隻襪幾秒，我真係好嬲同喊咗出嚟！」

因為老公而下廚

講到老公Eric So亦三甲不入，Ivana說：「佢帶畀我嘅快樂指數係最高，所以唔能夠同其他人相提並論，結婚差不多一年，以為婚前婚後應該一樣，但原來暗地裏有所不同，我會不自覺地執咗間屋亂嘅嘢，希望Eric會有舒服嘅地方，呢樣嘢佢冇要求，如果有啲工作要離開香港好耐，我可能會唔做，會推㗎，因為會掛住屋企。另外我煮嘢食係因Eric而開始，依家愈來愈喜歡，希望遲吓出食譜，鼓勵唔識煮嘢食嘅人煮嘢。」