陳淑芬億元打造5D音樂劇:粒粒星

2016年09月08日 20:00
東網電視
更多新聞短片
陳淑芬對5D音樂劇信心十足。

製作人陳淑芬及蕭潮順出席《風雲5D音樂劇》記者會。問如何解讀5D?蕭潮順解釋3D是有立體投射,4D是有氣味,而5D則是會加插水、火等元素:「但要睇吓紅館安全條例。(同演唱會煙火效果唔同?)唔同,我哋想用真火,依家同紅館申請緊,就算做唔到真火,我哋嘅火都好似,但我哋都希望用真水、真火。(咁嘅水會唔會整濕觀眾?)喺條例許可下做到最好,希望可以做到,盡量刺激。」

講到今次製作費,陳太謂還未計到:「但都會用成億製作。(舉行六場?)係!但諗住唔只係喺香港,我哋希望可以去其他地方演出,例如東南亞同講廣東話哋地方。(會加場?)睇反應。」

問請演員可會用很多錢?陳太笑言:「佢哋已經相當好體諒我哋,今次咁多演員粒粒都係星,佢哋肯抽時間做音樂劇,佢哋都犧牲咗好多嘢,所以感激佢哋,同埋其實佢哋都係今日嚟到先知有咩對手。(有冇諗過搵番鄭伊健或者郭富城做番?)冇,想新鮮啲!」