【鋪路復出歌壇？】蕭正楠唱歌「行乞」

藝人成日都要日接夜、夜接日咁做嘢，真係少啲精力都唔得。今日凌晨，蝦頭楊詩敏就上載咗段短片，片入面一名身穿白衣、梳古裝頭，以白面巾綁面嘅神秘男子，攞住近期大熱嘅唱K神器，坐喺地下揸住個膠兜大唱慘情歌《深淵》，認真陰功。

不過睇真啲，呢個原來係蕭正楠嚟嘅！原來佢哋通宵趕拍無綫古裝武打喜劇《翻生武林》時，成班演員趁空檔喺化妝間玩到癲，期間仲有人掟錢畀蕭正楠，但係咁傾力嘅演出，只係值幾蚊，仲有人畀得5毫子，搞到蕭正楠都忍唔住問：「個5毫子係邊個嘅！」網民都大讚蕭正楠唱得好，仲話支持佢快啲復出歌壇?！